Një automjet i shërbimit zjarrfikës është aksidentuar pasditen e sotme në Shkodër, nga e cila mbetën të lënduar lehtë dy punonjësit.
Ngjarja ka ndodhur rreth orës 18:20 në fshatin Vukatanë të Shkodrës.
Të dëmtuar lehtë kanë mbetur punonjësit e shërbimit zjarrfikës, K.M., dhe R.K.
Mjeti drejtohej nga K.M., i cili humbi kontrollit dhe bëri që automjeti të dilte nga rruga.
Shkodër/Informacion paraprak
Rreth orës 18:20, në fshatin “Vukatanë”, shtetasi K. M., 30 vjeç, duke drejtuar automjetin zjarrfikës, dyshohet se ka humbur kontrollin mbi drejtimin e automjetit dhe automjeti ka dalë nga rruga.
Si pasojë janë dëmtuar lehtë, jashtë rrezikut për jetën shtetasit K. M. dhe R. K., ( punonjës të shërbimit zjarrëfikës).
Grupi hetimor po punon për sqarimin e rrethanave dhe shkakut të daljes nga rruga.
