Drejtori i Zyrës Serbe për Kosovën, Petar Petkoviq, ka thënë se “aksioni i mëngjesit të sotëm i Policisë së Kosovës’ sipas tij ishte ” një tjetër provokim i kryeministrit të Kosovës, Albin Kurti, para zgjedhjeve lokale”.
Ai ka shtuar se për këtë e informoi emisarin e BE-së për dialogun, Miroslav Lajçak, raporton Tanjug.
Policia e Kosovës ka zhvilluar aksion kundër kontrabandës me mallra në katër lokacione: Prishtinë, Pejë, Mitrovicë e Jugut si dhe Mitrovicë e Veriut, transmeton Klankosova.tv.
Policia e Kosovës ka nisur një operacion në disa lokacione në vend kundër kontrabandës me mallra.
Siç njoftohet, aksioni po zhvillohet në Prishtinë, Pejë, Mitrovicë të Jugut dhe Mitrovicë të Veriut.
