Prokuroria Speciale e Kosovës ka nisur hetimet ndaj kryetarit të Pejës dhe të tre zyrtarëve të tjerë të komunës, si dhe të pronarit të një kompanie.
Ata dyshohen për keqpërdorim të detyrës për mashtrime me faturimin për rreth 152 mijë euro, shkruan sot “Koha Ditore”.
Procesi i faturimit dhe menaxhimi i kontratës si tërësi, sipas ekspertëve të prokurimit është përgjegjësi e menaxherëve të kontratës dhe jo përgjegjësi e drejtpërdrejt e kryetarit të komunës, përveç nëse ai ka qenë në njohuri për shkeljet e mundshme.
Në zyrën e kryetarit të Pejës po ashtu kanë thënë se menaxhimi i kontratave nuk bie në përgjegjësi të kryetarit, ndërsa futjen e emrit të tij në mesin e të dyshuarve, e kanë interpretuar si tendencë për ta dëmtuar politikisht, në prag të zgjedhjeve lokale. /albeu.com/
