Gjatë 24 orëve të fundit, oficerët e policisë në të gjithë vendin kanë arrestuar 18 shoferë për drejtim të pakujdesshëm të mjeteve, njoftoi Ministria e Brendshme.
Sipas Ministrisë së Brendshme, 12 persona po drejtonin automjete pa leje drejtimi, pesë prej të cilëve ishin të mitur. Katër shoferë u gjetën nën ndikimin e alkoolit, dhe dy të tjerë po drejtonin automjete si pa leje ashtu edhe nën ndikimin e alkoolit.
Në Shkup, dy të mitur u kapën duke drejtuar automjet pa leje drejtimi. Në Kërçovë u ndaluan gjashtë persona, përfshirë tre të mitur, ndërsa dy raste të tilla u regjistruan në Veles. Një person pa leje drejtimi u gjet në Strugë dhe Prilep. Për më tepër, nga një person në Delçevë, Sveti Nikollë, Veles dhe Prilep po drejtonte automjet nën ndikimin e alkoolit, ndërsa në Radovish dhe Gostivar, persona u ndaluan për drejtim pa leje dhe nën ndikimin e alkoolit.
Ministria e Brendshme njofton se pas dokumentimit të plotë të rasteve, do të ngrihen kallëzime penale përkatëse.
Ministria u bën apel të gjithë pjesëmarrësve në trafik që të respektojnë rregullat dhe rregulloret dhe të mos drejtojnë automjet pa test të dhënë për drejtim, me ndalesë drejtimi ose nën ndikimin e alkoolit, me qëllim që të sigurohet siguri më e madhe në trafik.
