Ministria e Punëve të Brendshme njoftoi se njoftimi për bombë të vendosur në objektin e Bankës Popullore të Maqedonisë ishte alarm i rremë. Policia thotë se “falë protokolleve të sigurisë për Institucionet nga viti i kaluar, të cilat i zbaton edhe Banka Popullore e Maqedonisë, siguria është e garantuar në shkallë të lartë. Njësiti i Antiterrorizmit pranë Byrosë së Sigurisë Publike, pas denoncimit për gjoja bombë të vendosur, ka kryer kontrollet e nevojshme dhe është konstatuar se bëhet fjalë për alarm të rremë”, thuhet në njoftimin e Ministrisë së Punëve të Brendshme. /Alsat.mk
