E shtune, 29 Tetor 2016 – Sakte.net
Kyle Randolph Scott, ambasadori amerikan në Serbi ka takuar sot kryeministrin serb, Aleksandër Vuçiq.
Ata kanë biseduar për situatën në rajon, dialogun mes Prishtinës dhe Beogradit dhe marrëdhëniet me SHBA-në, transmeton Koha.net.
Scott, njëjtë sikur Mogherini, i ka thënë Vuçiqit se duhet aplikuar marrëveshjet e arritura në Dialogun e Brukselit, pasi nga kjo varet edhe përfundimi i këtij procesi. Sipas FoNet, për këtë është pajtuar edhe Vuçiq.
Ambasadori amerikan ka thënë se Serbia ka rol konstruktiv dhe duhet të jetë promovues i marrëdhënieve të mira dhe stabilitetit në Ballkanin Perëndimor.
