Pak ditë para largimit nga Shqipëria, ambasadori amerikan në Tiranë Donald Lu ka folur për demokracinë.
Sot, në ditën ndërkombëtare të demokracisë, Donald Lu ka shpërndarë një mesazh që flet për shqiptarët dhe amerikanët.
“Sot është Dita Ndërkombëtare e Demokracisë. Çfarë do të thotë demokraci për ju?
Demokracia është diçka që na bashkon të gjithë ne, amerikanë dhe shqiptarë. Është e rrëmujshme. Është e komplikuar. Dhe shpesh është e mbushur me konflikte dhe polemika por, në fund, demokracia na garanton liritë që i konsiderojmë kaq të vyera”, thuhet në mesazhin e Lu.
