Anëtarët e grupit fetar, Lev Tahor, të cilët ditët e fundit kanë tërhequr vëmendjen e publikut të gjerë, aktualisht ndodhen në një hotel në Shkup, emri i të cilit mbahet sekret. Sipas kryetarit të Komisionit për marrëdhënie me bashkësitë dhe grupet fetare, Darijan Sotirovski, grupi është nën vëzhgim policor për t’u mbrojtur nga reagimet e mundshme të pakëndshme të popullatës lokale.
– Advertisements –
“Mendoj se kur ka mohim, që nuk pranohet nga një pjesë e shoqërisë, jo nga të gjithë, sigurisht që dikush mund ta keqpërdor dhe në këtë mënyrë të ndikojë negativisht në reputacionin ndërkombëtar të vendit”, tha Sotirovski.
