Kryeministri i vendit, Ramush Haradinaj sot në orët e mëngjesit ka mbajtur një takim me zëvendësministrat për të folur rreth punës së tyre.
Pas fjalës së kryeministrit i pari rreth punës së tij ka folur zëvendësministri i Punëve të Jashtme, Gjergj Dedaj.
Ai tha se ka pasur disa rezultate në këta gjashtë muaj të punës së tij si zëvendësministër, por Dedaj u ankua rreth relacionit të tij me ministrin Behgjet Pacolli, me të cilën tha se nuk ka komunikim
Dedaj tha se që gjashtë muaj sa është zëvendësministër i Punëve të Jashtme nuk ka asnjë komunikim me ministrin e Punëve të Jashtëm, Behgjet Pacolli.
“Jam zëvendësministër që gjashtë muaj, ka disa rezultate që i kemi bërë falë iniciativës sonë, përvojës sonë bukur të gjatë… Unë personalisht kam vërejtje në komunikimin që kemi në relacion me ministrin. …Që gjashtë muaj nuk kemi asnjë komunikim edhe pse kam kërku me shkrim, me sms, me mjete tjera….”, u shpreh Dedaj.
