Në vend që të skanoni faturën, ju shfaqet njoftimi se nuk ka lidhje me rrjetin. Tashmë për të tretën ditë me radhë nuk funksionon aplikacioni “TVSH-ja Ime”. Kjo masë, e cila është shumë e popullarizuar tek qytetarët, gjatë këtij viti është përballur vazhdimisht me probleme teknike dhe vonesa në pagesa. Nga Drejtoria e të Ardhurave Publike (DAP) arsyetohen se gjithçka lidhet me një problem teknik, pa dhënë shpjegime të tjera.
Qytetarët në rrjetet sociale po komentojnë dhe ankohen për problemet e vazhdueshme dhe vonesat, duke thënë se situata të tilla ndodhin pothuajse gjithmonë gjatë fundjavave. Shumë prej tyre spekulojnë se arsyeja kryesore është se “shteti nuk ka para”.
The post Aplikacioni ‘TVSH-ja ime’ jashtë funksionit appeared first on Alsat.
