Policia e Kosovës përmes një komunikate për media bën të ditur se dy shtetas të Shqipërisë janë arrestuar në pikën kufitare në Vërmicë për kalim ilegal të kufirit, transmeton Koha.net.
“Janë arrestuar dy të dyshuar meshkuj shqiptarë, shtetas të Shqipërisë, pasi që të njëjtit kanë kaluar ilegalisht kufirin Shqipëri-Kosovë”, thotë PK.
PK thotë gjithashtu se të njëjtit pas intervistimit me vendim të prokurorit janë dërguar në mbajtje.
