Prokuroria në Gjakovë ka ndaluar katër persona të dyshuar dhe kanë konfiskuar mbi 5 kilogramë substancë të dyshuar narkotike të llojit ”Marihuanë”.
Njësia për Hetimin e Trafikimit me Narkotikë ka në realizuar bastisje në shtëpitë dhe objektet përcjellëse të dyshuarve E.I, J.I, E.I., dhe Rr. Sh., në fshatin Stubëll, Komuna e Gjakovës, me dyshimin se në shtëpitë e tyre gjenden substanca të dyshuara narkotike të llojit marihuanë.
Siç njoftohet, gjatë bastisjes janë gjetur dhe sekuestruar: substancë e dyshuar narkotike e llojit marihuanë, me peshë 5 kilogramë e 571 gramë, një (1) pushkë gjuetie, pesë (5) fishekë dhe një (1) granatë dore,
Me urdhër të prokurorit të rastit, të dyshuarit gjenden në ndalim në kohëzgjatje prej 48 orësh, nën dyshimin e bazuar se kanë kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge”, dhe “Armëmbajtje pa leje”, transmeton Telegrafi.
