Policia gjermane ka arrestuar në Berlin tre persona të dyshuar për lidhje me terrorizëm. Sipas mediave gjermane, personat e arrestuar ishin duke planifikuar një sulm të madh në Gjermani.
Gjatë operacionit për kapjen e tyre, polica kontrolloi edhe një xhami në zonën e Moabit në Berlin ku mendohet se të arrestuarit e kishin frekuentuar. Për këtë xhami, policia ka patur dyshime se përdorej për të rekrutuar anëtarë të rinj të ISIS-it sepse kishte të dhëna që kjo xhami ishte frekuentuar më parë edhe nga Anis Amri, i cili vrau 12 persona në tregun e Krishtlindjeve në Berlin më 19 dhjetor 2016.