Valon Shefkiu, drejtori i Urbanizmit në Komunën e Gjilanit, është arrestuar para disa orëve dhe është ndaluar për 48 orë në Polici.
Arrestimin e Shefkiut e ka konfirmuar edhe zëdhënësi i Policisë për Rajonin e Gjilanit, Shaban Azizi.
“Po, personi për të cilin keni pyetur është arrestuar dhe është ndaluar për 48 orë”, tha Azizi për Kallxo.com.
Zëdhënësi nuk ka treguar arsyen e arrestimit të drejtorit Shefkiu, por Kallxo.com merr vesh se ai ka pasur një mosmarrëveshje me gazetarin Musa Sabedini, pasi portali i këtij të fundit ka shkruar në lidhje me kthimin në rigjykim të lëndës së Valon Shefkiut, i akuzuar për keqpërdorim të pozitës dhe autoritetit zyrtar, duke e aprovuar kështu kërkesën e Prokurorisë së Gjilanit.
