Policia e Kosovës para pak çastesh e ka arrestuar të dyshuarin për plagosjen e avokatit, Azem Vllasi.
Gazeta Blic nga burime brenda Policisë ka marrë vesh se arrestimi i i Murat Jasharit, ka ndodhur para pak çastesh.
Ndryshe, Murat Jashari është vëllai i ish- komandantit Ismet Jashari- Kumanova.
Nga Policia e Kosovës nuk kanë dhënë detaje.
Zëdhënësi i Policisë së Kosovës, Baki Kelani i ka thënë Gazetës Blic se për këtë çështje në ora 15:00 do të ketë një konferencë për media.
Azem Vllasi është plagosur mëngjesin e sotëm afër banesës së tij në qendër të Prishtinës.
Ai aktualisht ndodhet i shtrirë në Klinikën e Traumatologjisë në QKUK me gjendje stabile.
Policia e Kosovës po e ruan me forcat e saj si jashtë ashtu edhe brenda Klinikës.
