Një vit pas lansimit të Audi R8 V10 Spyder të rregullt, arrin versioni ekstrem Plus.
Njëjtë sikurse te variantet coupe – modeli R8 V10 Plus përdorë motor me fuqi prej 610 kuaj fuqi që është 70 kuaj fuqi më tepër se sa Audi R8 V10 Spyder i zakonshëm.
Varianti Plus nga 0-100 km në orë i arrin pas 3,3 sekondash, ose 0,3 sekonda më shpejt se sa Spyder i rregullt.
Shpejtësia maksimale e automobilit është më e madhe për 10 km në orë, ose 328 km në orë.
Inxhinierët e Audi kanë arritur “të kursejnë” 25 kg në krahasim me R8 V10 Spyder e zakonshëm, andaj modeli ir i peshon 1.587 kg.
Çmimi i kësaj veture në Gjermani fillon nga 207.500 euro dhe dërgesat e para priten nga fundi i qershorit.
