Dalin pamjet e momentit të shpërthimit me lëndë plasëse në lokalin “Brazili i Vjetër” Fushë-Krujë, ngjarje e ndodhur në orët e para të mëngjesit të 31 Janarit.
Në videon e siguruar nga Panorama.al, autori me kapuç dhe maskë të zezë shihet teksa afrohet me shpejtësi drejt restorantit ndërsa mban lëndën plasëse në duar.
Autori, që sipas policisë është 41-vjeçari Mondi Topalli, përshëndet me dorë nga kamera e sigurisë dhe hedh lëndën plasëse, më pas ai largohet me vrap nga vendngjarja.
Pas pas sekondash ndodh edhe shpërthimi tek restorant “Brazili i Vjetër”, në pronësi të shtetasit me iniciale B. T..
Në pamje shihen tymi që shkakton shpërthimi i lëndës plasëse dhe më pas xhamat e shpërndarë në tokë.
