Zëvendësministri i Administrimit të Pushtetit Lokal, Bajram Gecaj ka sqaruar deklaratën e Kryeministrit të vendit Isa Mustafa, në të cilën thotë se “komunikatat e AAK-së po më përngjajnë në rriqrat e Malishevës”. Sipas Gecajt, Kryeministri në këtë deklaratë ka aluduar në atë se komunikatat e kësaj partie janë neveritëse dhe të dëmshme
Shkrimi i plotë i Gecajt:
As më pare, as kësaj radhe, Kryeministri Mustafa kur foli për deklaratat e një subjekti politik, duke i krahasuar ato me rriqrat e Malishevës, me aludimin se ato deklarata janë neveritëse dhe të dëmshme, as nuk ka ofenduar as nuk është grindavec.
Grindavecët janë xhandarët – kujdestarë të fjalës së shkruar në Kosovë, sidomos asaj institucionale, të cilët në njërën anë mbajnë ‘ngjyrën pronto”, për të etiketuar gjithkend, dhe në tjetrën kuletën për tu shpërblyer për këto etiketime. Janë mësuar kështu këto hijena, nuk dijnë të mbijetojnë ndryshe.
S’ka si të shpjegohet ndryshe përpjekja ugurzezë për ta shtrembëruar cdo gjë që thotë Kryeministri, në rastin konkret me qëllim që të akuzohet se ai paska ofenduar malishevasit. Të tillët bile edhe kërkojnë që Kryeministri të kërkoj falje. Rriqra janë të tillët dhe mendësia të cilën e kritikon Kryeministri.
Rriqra që lakmojnë pushtetin, të neveritshëm, pakurizor të cilët nese nuk mund ta marrin pjesën e pushtetit sulmojnë bash si rriqrat. Mu të njëjtit më sulmuan mua ditë më parë kur e quajta deputeten Kada Bujupi qur, pa e përmendur as edhe një herë atë çfarë më tha ajo mua dhe sa ulët e sa keq më ofendoj e para.
Pse ky sulm i aranzhuar i organizuar dhe selektiv? Prej nga këto rriqra. Ka vetëm një pesticidë për gjithë këta. E vërteta për të cilën ne nuk do të kursejmë asgjë.
