Udhëheqësja e diplomacisë së BE-së, Federica Mogherini dhe ekipi i saj, kanë vështruar nga afër ngjarjet e fundit ndërmjet Kosovës e Serbisë, dhe i ka kërkuar Prishtinës dhe Beogradit që të ulin tensionet dhe të përmbahen.
“BE-ja vazhdimisht ka kontaktuar me të dyja anët në mbrëmjen e së shtunës. Përfaqësuesja e Lartë ka folur edhe me kryeministrin Vuçiç”, ka thënë zëdhënësja Maja Koçijançiç për “Tanjug”.
Kujtojmë se autoritetet e Kosovës, gjatë mbrëmjes së të shtunës kanë kthyer trenin ilegal që vinte nga Beogradi drejt Kosovës që përmbante mbishkrimin “Kosova është Serbi”.
