Marrëveshja e Përzhinës nuk ka ngecur ndërsa liderët politik javën e ardhshëm duhet të marrin vendim për datën e zgjedhjeve, u përgjigj në pyetjen e gazetarëve dje në Ohër ambasadori amerikan në Maqedoni, Xhes Bejli.
“Nuk mendoj se ka ngecur Marrëveshja e Përzhinës. Ne më 20 korrik kishim bisedime se si gjërat të shkojnë përpara. Liderët politike u dakorduan që javën e ardhshme të marrin vendim për datën e zgjedhjeve, kështu që vlerësoj se procesi nuk ka ngecur”- deklaroi Bejli.
Ambasadori Bejli në Ohër po merr pjesë në Forumin e sigurisë që e organizon Qendra Marshal.
“Aleanca nuk është vetëm strukturë mbrtojëse, por komunitet i shteteve që promovojnë vlera të demokracisë, sundim të së drejtës dhe liri. Kjo është pjesë kyçe e Aleancës, e vendosur në paragrafin e parë të vetë organizatës” shtoi Bejli.
