Belgjika ka ngrirë asetet ruse në vlerë prej 10 miliardë euro (10.9 miliardë dollarë) në dy javët e fundit, transmeton Anadolu Agency (AA).
Ministria belge e Financave ka bllokuar qasjen në llogari për individët dhe kompanitë ruse të goditura me sanksione nga Bashkimi Evropian për shkak të luftës së Rusisë kundër Ukrainës.
Në dy javët e fundit, 2.7 miliardë euro në llogaritë bankare janë ngrirë dhe transaksione me vlerë 7.3 miliardë euro janë bllokuar, thuhet në raport.
Asetet ruse në Belgjikë janë kryesisht në sektorët e energjisë, plehrave, turizmit, çelikut dhe diamanteve.
Sanksionet e BE-së kundër Rusisë dhe Bjellorusisë për luftën në Ukrainë zbatohen për gjithsej 862 individë dhe 53 organizata.
