Një aksident i rëndë ka ndodhur në autostradën Fier-Lushnje rreth orës 03:30 të mëngjesit të sotëm (14 Qershor) në afërsi të vendit të quajtur “pushimit të shoferit” .
Një automjet tip Benz i ka rënë nga pas një furgoni me 7 pasagjerë që udhëtonte drejt Rinasit.
Shpejtësia e madhe ka bërë që Benzi-i të thyejë barrierat dhe të përfundojë në kanalin kullues përgjatë autostradës, ku më pas është përfshirë nga zjarri.
4 personat që ndodheshin në Benz kanë arritur të shpëtojnë nga flakët duke dalë nga automjeti.
Ndërkohë furgoni ku udhëtonin 7 pasagjerët ka përfunduar qindra metra larg.
Dy prej udhëtarëve raportohet se janë në gjendje të rëndë në spitalin e Lushnjës.
