Mërgim Berisha e informon Augsburgun se dëshiron të largohet këtë verë.
Mërgim Berisha dëshiron të largohet nga Augsburg këtë verë pasi dëshiron të bëjë hapin e radhës në karrierën e tij. Kështu ka raportuar sot mediumi gjerman, “Kicker”.
Augsburg aktivizoi opsionin e blerjes së sulmuesit nga Fenerbahçe për 4 milionë euro, pasi lojtari e kaloi një sezon në formë huazimi.
Pas diskutimeve me drejtuesit e Augsburgut, Berisha thuhet se ia ka bërë të qartë se dëshiron të bëjë hapin e radhës në karrierën e tij këtë verë.
Për momentin, Augsburgu nuk ka marrë ende ndonjë ofertë për 25-vjeçarin, i cili pritet të jetë në stërvitje të enjten, kur ekipi gjerman do të nisë me përgatitjet për sezonin e ardhshëm.
Bazuar në “Transfermarkt”, futbollisti me prejardhje nga Kosova aktualisht vlerësohet në 12 milionë euro.
Në sezonin e fundit 2022/23, reprezentuesi gjerman ishte lojtari më i dalluar i Augsburgut, duke shënuar nëntë gola dhe duke asistuar katër herë. Ai regjistroi 29 paraqitje në total
