Kreu i Partisë Demokratike, Sali Berisha, ka prezantuar programin për Kulturën, ndërsa ngriti dyshime duke thënë se drejtuesit e Teatrit Kombëtar të Operas dhe Baletit janë ndryshuar disa herë, në funksion të parave.
“Merrni TKOB, sa herë ia kanë ndryshuar drejtuesin? Të gjitha në funksion të parave. Arti dhe kultura kanë nevojë për një transparencë. Ju garantoj se bordet që vendosin transparence të plotë do vendosen pas 11 maj”, tha ai.
Kreu demokrat tha se Qeveria do të dyfishojë buxhetin për kulturë, ai tha se Teatrin Kombëtar do ta ndërtojnë aty ku ka qenë, siç ka qenë.
“Angazhohemi të ndërtojmë teatrin kombëtar siç ishte aty ku ishte. Paralajmërojmë sipërmarrësit që në kundërshtim me Kushtetutën zbatojnë një marrëveshje të bërë me mafiozë. Ajo tokë është e teatrit kombëtar. Sado kate të bëhen aty, do bëhen të paqena se do të ndërtohet teatri siç ishte”, tha Berisha.
