Kryeministrja serbe, Ana Bërnabiq ka bërë të ditur se Vuçiqi do ta përfaqësojë Serbinë në Samitin e Sofjes.
Bërnabiq në TV Pink ka deklaruar se gjetja e një zgjidhje përfundimtare me Kosovën, mbetet prioritet për shtetin serb.
“Është bërë e qartë se uniteti ynë është prioritet për t’i dhënë mbështetje Vuçiqit që ta gjejë një zgjidhje për Kosovën”, tha kryeministrja serbe, transmeton lajmi.net.
Ajo gjithashtu tha se Kosova nuk do të mund të prezantohet si shtet i barabartë në Samitin në Sofje.
Këto deklarime kryeministrja serbe i bëri pas vizitës së Vuçiqit në Rusi. /Lajmi.net/
