“Pata kënaqësinë që bashkë me kryetarin e Ankarasë, z. Melih Gökçek në një takim të përzemërt të diskutojmë lidhur me projekte të ndryshme që ndikojnë drejtpërdrejt në përmirësimin e jetës së qytetarëve dhe rritjen e mirëqenies së tyre. Po ashtu, diskutuam edhe lidhur me bashkëpunimin në të ardhmen midis dy qyteteve tona për projekte zhvillimore.
Ishte kënaqësi të njihesh për së afërmi me funksionimin e një modeli të suksesshëm siç është kryeqyteti i Turqisë, Ankaraja”, ka shkruar kryetari i Lëvizjes BESA, Bilall Kasami duke bërë të ditur se është takuar me njërin prej kryebashkiakëve më të rëndësishëm të Turqisë, atë të kryeqytetit, Ankarasë./Sakte.net
