Emisari i Shteteve të Bashkuara të Amerikës në dialogun Kosovë-Serbi , Richard Grenell, i cili mbërrin në Beograd nesër për të biseduar me Presidentin serb Aleksandar Vuçiq, do të kërkojë një rifillim të shpejtë të dialogut pas suksesit në nënshkrimin e një letre me qëllim të krijimit të linjës direkte mes Prishtinës dhe Beogradit.
Kështu shkruan gazeta serbe Blic.
Vuçiq do t’i vendosë atij një kusht për heqjen e taksës për mallrat nga Serbia, sipas gazetës.
Zyrtari i lartë amerikan po qëndron në Kosovë ku është takuar me kreun e Vetëvendosjes, Albin Kurti, ndërsa për momentin është duke zhvilluar takim me kryetarin e LDK-së, Isa Mustafa.
