Qindra studentë të Universitetit të Elbasanit i janë bashkuar protestës së studentëve në të gjithë Shqipërinë duke bojkotuar mësimin edhe ditën e sotme.
Nën thirrjen “Ulni tarifat” dhe “Stop lekëve për notën”, studentët kanë dalë rrugëve të qytetit duke denoncuar kështu edhe nivelin e lartë të korrupsionit në këtë universitet, i cili radhitet ndër të parët në Shqipëri për këtë fenomen të shëmtuar.
Ditë më parë studentët nxorrën edhe emra të pedagogëve të korruptuar ku spikaste rektori si edhe kreu i Fakultetit të Shkencave Mjekësorë.
