Botohet në gjuhën angleze një nga veprat e shkrimtarit të mirënjohur Ismail Kadare
Romani që në qendër ka fatin e Ali Pashë Tepelenës, pashait shqiptar që u ngrit kundër sulltanit dhe shtetit osman dhe nga kritika botërore, është konsideruar si një nga veprat më tragjike të Kadaresë ku përshkruhet terrori shtetërore. Bëhet fjalë për romanin që 40 vjet pas botimit të tij të parë në vitin 1978 si pjesë përbërëse e librit “Ura me tri harqe”, me titullin “Pashallëqet e mëdha”, “Kamarja e Turpit”, u ribotua në vitin 2016.
Lesley Mcdowell, shkruan për gazetën “The Herald” se “dukej sikur përmes kësaj vepre, Kadare donte t’i kujtonte vendit të tij luftën për pavarësi dhe të sigurohej që lexuesit e tij nuk e kanë harruar lidhjen që Perandoria Osmane kishte dikur mbi të. Sepse qartësisht ai ndiente se ekzistonte rreziku i mbizotërimt të anezisë.
Romani “Kamarja e Turpit” na tregon se historia është e krijuar nga njerëzit, të cilët dëshirojnë pushtet përtej aftësive të tyre. Ata që duan t’u mohojnë njerëzve të drejtën për të veshur atë që duan dhe të flasin fjalë që ata dinë. Ata që kërkojnë metodat më të ashpra për të mbështetur pushtetin e tyre dhe shpikin sisteme të tëra të shtypjes për ta bërë këtë.
“Kamarja e Turpit” është një roman i jashtëzakonshëm dhe kompleks, të cilit i ka ardhur koha, ndoshta, gati 40 vjet pas botimit të parë./21Media
