Në Bruksel sot do të mbahet raund i ri i dialogut mes Prishtinës dhe Beogradit, në të cilën përveç kryeministrit të Kosovës Isa Mustafa dhe atij serb, Aleksandar Vuçiq, do të marrin pjesë edhe presidentët e të dy shteteve, Hashim Thaçi dhe Tomisllav Nikoliq. “Brukseli e përshëndet ardhjen e përfaqësuesve të Prishtinës dhe Beogradit në nivel më të lartë të mbledhjes”, deklaroi zëdhënësja e Komisionit Evropian, Maja Kocijançiq, duke vlerësuar se zhvillimi i situatës ditëve të fundit e potencon nevojën për përforcim të angazhimit të të dy palëve. “Zhvillimi i ngjarjeve ditëve të fundit e potencon nevojën për përkushtim të përforcuar dhe angazhim të të dy palëve përmes dialogut”, porositi Kocijançiq në selinë e KE-së në Bruksel. Ajo përsëriti se përparimi në normalizimin e marrëdhënieve mes Kosovës dhe Serbisë është me rëndësi të madhe për të dy vendet, rajonin dhe BE-në.
rreth nesh
Ky portal mirëmbahet nga kompania ALMAKOS-MEDIA. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të ALMAKOS-MEDIA. Për ta shfrytëzuar materialin e këtij portali obligoheni t'i pranoni kushtet e përdorimit.