Kryetari i Komisionit për shënjimin e vijës kufitare me Malin e Zi, Shpejtim Bulliqi gjatë raportimit para anëtarëve të Komisionit për Punë të Jashtme, ka thënë se pjesa e kontestuar tash pas marrëveshjes së Demarkacionit ka qenë e menaxhuar nga Kosova
Ai këtë ka thënë se kanë vërtetuar nga hulumtimet që kanë bërë në institucionet vendore dhe ndërkombëtare.
Sipas tij deri në vitin 2009 këtë pjesë duke përfshirë edhe mirëmbajtjen e rrugëve e ka menaxhuar Kosova, shkruan lajmi.net.
“Nga hulumtimet që kemi bërë në institucionet vendore dhe ndërkombëtare kemi ardhur në përfundim se në pjesën e territorit që është i kontestuar e ka menaxhuar Kosova”.
“Sipas një shkrese të Policisë së Kosovës pjesën e kontestuar tash, deri më datën 12.01.2009, e ka menaxhuar Kosova. Pala malazeze kishte kërkuar nga Kosova që pas kësaj date më kompanitë e Kosovës mos ti pastrojnë rrugët”, ka thënë Bulliqi./Lajmi.net/
