Ministri i Punëve të Jashtme të Serbisë, Ivica Daçiç deklaroi se grupi terrorist i armatosur që u përlesh me policinë e Kosovës të dielën, në fshatin Banjskë nuk ka të bëjë me Beogradin.
“Të gjithë do të mundohen ta lidhin me Beogradin.
Por këtu bëhet fjalë për përfaqësues autoktonë të serbëve që jetojnë në Kosovë dhe që kanë të drejtë legjitime të shprehin mendimin e tyre për politikën e Kurtit.
Të paktën aq sa kishin shqiptarët në Jugosllavi, për të bojkotuar zgjedhjet, institucionet, për të demonstruar”, tha Daçiç në një intervistë për Radiotelevizionin Vojvodina.
