Kanë dalë pamjet e para të djegies së kabinës nga protestuesit, ku janë të vendosura makineritë që do të bëhet pagesa për të kaluar në rrugën e Kombit.
Nga pamjet e publikuar nga Report Tv, dallohet se protestuesit kanë djegur çdo gjë që kanë gjetur para.
Protesta në fjalë u zhvillua dy ditë më parë, kundër tarifës së rrugës së Kombit.
Gjatë kësaj proteste, pati përplasje mes policisë dhe protestuesve, të cilët të irrituar nga vendosja e tarifës i kanë vënë flakën kabinës.
Lidhur me këtë protestë, policia ka vënë në pranga 23 persona, të cilët janë dërguar në Tiranë.
Familjarët e të arrestuarve kanë reaguar për mënyrën e arrestimit të tyre, pasi ata janë vënë në pranga nga policia gjatë mesnatës.
Për lirimin e tyre, dhjetëra protestues ndodhen para Drejtorisë së Policisë, ku kërkojnë lirimin e tyre.
Qytetarët janë shprehur kundër vendosjes së kësaj tarife nga qeveria, pasi sipas tyre, ajo është shumë e lartë për nivelin e jetës që kanë banorët e Kukësit dhe jo vetëm.
Qeveria ka vendosur se çdo drejtues automjeti që kalon në rrugën e Kombit, duhet të paguajë nga 5 euro deri në 44 euro.
