Vitia është tronditur nga vrasja e një të riu.
Vrasja ka ndodhur paraditën e sotme në qytetin e Vitisë, përballë shkollës së mesme.
Media mëson se viktima është A.Rama.
Burimet tona marrin vesh se i riu jetonte në Zvicër dhe para pak ditësh kishte ardhur në Kosovë.
Mësohet se motivi i përleshjes që çoi në vrasjen e A.Ramës ishte një problem i mëhershëm në Zvicër.
Nga kjo ngjarje kanë mbetur edhe dy të plagosur, ndërsa i dyshuari është arrestuar.
