Presidenti i Partisë Popullore Evropiane (PPE), Joseph Daul, sot do të qëndrojë në Kosovë.
Shefi i kësaj partie më të madhe evropiane, që ka edhe grupin më të madh në Parlamentin Evropian dhe tri postet në krye të institucioneve kryesore të BE-së, në një intervistë për “Kohën Ditore” flet për vizitën e tij dhe për raportet me partitë nga Kosova.
Cila është arsyeja e vizitës suaj në Kosovë në këtë moment, kur është në vazhdim e sipër fushata zgjedhore?
Vizita ime ishte caktuar shumë përpara se të vinin në plan zgjedhjet e jashtëzakonshme. Si president i PPE-së unë planifikoj vizita të numërta partive të ndryshme anëtare, gjatë tërë vitit dhe vizita në Kosovë ishte njëra prej tyre. Qëllimi fillestar i kësaj vizite ishte të takoja kryeministrin Isa Mustafa dhe partinë tonë anëtare, LDK-në, të njihem me zhvillimet e fundit në vend dhe në rajon.
