Deputeti i pavarur Ilir Deda ka thënë se që nga muaji shkurti Lista “Alternativa”, do të përfaqësohet në Kuvendin e Kosovës.
Këto komente ai i bëri gjatë një debati që pati sot me studentë të Universitetit të Mitrovicës “Isa Boletini”të organizuar nga Instituti Demokratik i Kosovës.
“Ka ardhur koha e përfundimit të të qenit deputet i pavarur, ngase nga muaji që vjen do të krijohet Lista “Alternativa”, e cila do të përfaqësohet në Kuvend”, ka thënë ai.
Deda njëherit e ka cilësuar vazhdimin e dialogut me Beogradin, gabim të palës kosovare.
