Për deputetin e Kuvendit të Kosovës, Ilir Deda, mesazhi i Përfaqësueses së Lartë për Politikë të Jashtme dhe Siguri, Federica Mogherini ishte i qartë – ratifikimi i demarkacionit rezulton me liberalizim të vizave për qytetarët e Kosovës.
“Tani ne, të zgjedhurit në Kuvend, jemi para një situate kritike – ta përkrahim joprofesionalizmin e Qeverisë me demarkacion të keq – apo mos ta përkrahim këtë demarkacion, dhe kështu të vendosim për izolim të gjatë të qytetarëve tanë. Nëse këto parti – në Qeveri e opozitë – nuk merren vesh shumë shpejtë si të ecim përpara, atëherë nuk e meritojmë më votën e qytetarëve”, ka thënë Deda.
© KOHA.
