Një ditë para se Marrëveshja e Demarkacionit të hidhet për votim në Parlament, Ambasadori i SHBA’ve në Prishtinë, Greg Delawie ka dhënë një intervistë ekskluzive për Gazetën Express.
Ai rikonfirmon qëndrimin pro demarkacionit të shtetit më mik dhe aleatit kryesor të Kosovës, Shteteve të Bashkuara. Delawie kritikoi partitë që po kërcënojnë me vrasje të kundërshtarëve politikë duke theksuar se e gjithë kjo që po ndodh është luftë për pushtet. Në këtë intervistë Delawie është pyetur edhe rreth arrestimeve të zyrtarëve të VV’së dhe për mundësinë e rënies së Qeverisë nëse dështon votimi i demarkacionit.
