Dy ditë pasi Lidhja Demokratike e Kosovës doli me qëndrim zyrtar kundër platfromës qeveritare për dialog me Serbinë, i pari i këtij subjekti politik është vizituar nga amabsadori i Amerikës në Kosovë.
Ambasadori amerikan Greg Delawie të mërkurën e ka vizituar në shtëpinë e tij kryetarin e Lidhjes Demokratike të Kosovës, Isa Mustafa.
Klan Kosova merr vesh se temë bosht e këtij takimi ka qenë shkuarja në fazën finale të dialogut mes Kosovës dhe Serbisë.
Pjesë e këtij takimi kanë qenë edhe Lutfi Haziri, Agim Veliu, Avdullah Hoti dhe Kujtim Shala – të gjithë zyrtarë të lartë të LDK-së.
Të njëjat burime ia kanë konfirmuar se zyrtarët e këtij subjekti politk kanë qenë i interesuar të mësojnë më shumë mbi idenë amerikane për zgjidhjen përfundimtare të kësaj çështje.
Vizita e ambasadorit Delawie tek Mustafa vjen vetëm dy ditë pasi Lidhja Demokratike e Kosovës doli zyrtarisht kundër platformës qeveritare për dialog me Serbinë, që rol qendror i jepte presidentit të vendit, Hashim Thaçi.
