Agron Demi, hulumtues në institutin “GAP” ka thënë se që nga viti 2014, 75% e kohës së arsimit fillor dhe të mesëm ka qenë nën kërcënim të grevave.
“Në uebfaqen e SBASHK-ut janë të publikuara 174 buletine mujore të cilat informojnë publikun dhe anëtarësinë për aktivitetet e sindikatës. Nga gushti i vitit 2014 deri në maj të 2022, në 131 numra të buletinit SBASHK-u kërcënon me greva, paralajmëron greva ose njofton për mbajtjen e grevave. Arsyet janë të ndryshme: kontrata kolektive, rritje te pagave, ligji i pagave, ligji për arsimtarët e viteve ’90, shtesa në paga, shujta… Pra, nga gushti i vitit 2014, 75% të kohës arsimi fillor dhe i mesëm ka qenë nën kërcënim të grevave për arsye nga më të ndryshmet”, ka shkruar Demi.
Bashkimi i Sindikatave të Pavarura të Kosovës (BSPK) ka shpallur grevë të përgjithshme duke nisur nga 25 gushti.
Sindikatat e arsimit dhe disa sektorëve të tjerë publik po kërkojnë 100 euro shtesë në paga deri në realizimin e Ligjit për Paga.
Sipas tyre, greva do të vazhdojë deri në realizimin e kërkesave të tyre.
© KOHA
