(I plotësuar)- Pas miratimit të Projektligjit për ratifikimin e Marrëveshjes financiare për IPA 2015 ndërmjet Kosovës dhe Bashkimit Evropian, deputetët e AAK-së dhe Nismës, kanë lëshuar sallën e Kuvendit.
Deputetët në fjalë kanë lëshuar sallën , ku edhe pritet të bëhet zgjedhja e dy antareve të Bordit të RTK-së.
………………………………………
AAK e NISMA në sallë, mungon Vetëvendosja (Foto)
Gjysmë ore pas fillimit të seancës plenare të Kuvendit të Kosovës, deputetët e AAK-së dhe Nismës për Kosovën kanë hyrë në sallën e Kuvendit të Kosovës.
Ata u duartrokitën nga deputetët tjerë që ishin të pranishëm në sallë.
Megjithatë, në sallë nuk janë deputetët e Lëvizjes Vetëvendosje, të cilët po bojkotojnë këtë seancë, pavarësisht se gjatë seancës është diskutuar për Prishtinën, komunë me të cilën udhëheq VV-ja.
……………………………..
Opozita bojkoton seancën plenare të Kuvendit (Foto)
Tri partitë opozitare kanë bojkotuar seancën e sotme plenare të Kuvendit të Kosovës.
Ndonëse deputetët e Aleancës për Ardhmërinë e Kosovës në fillim ishin në sallë, ata dolën përsëri pasi nisi seanca, shkruan Indeksonline.
Në sallë nuk janë parë sot deputetët e dy partive tjera opozitare, Lëvizja Vetëvendosje dhe Nisma për Kosovën. /Indeksonline/
