Kina është akuzuar se po mbulon përmasat e vërteta të epidemisë së koronavirusit në vend, shkruan gazeta britanike Daily Mail.
Ajo publikoi video nga qyteti Wuhan, ku policia përplaset dhunshëm me banorët, të cilët duan të largohen nga epiqendra e epidemisë. Ky qytet është rihapur për të rindezur motorin ekonomik, por te banorët ekziston frika e epidemisë.
Sipas DM, Partia Komuniste ka manipuluar shifrat, kur thotë se ka pasur vetëm 3336 viktima, një e treta e atyre që kanë vdekur vetëm në Britani.
Sipas DM, mijëra njerëz kanë vdekur pasi krematoriumet kanë punuar 24 orë në Wuhan për të djegur dhjetëra mijëra trupa.
Spitaleve iu është thënë se duhet të dërgojnë pacientët në shtëpi pas vizitës së presidentit Xi Jinping, në mënyrë që të deklarohet fitorja ndaj virusit.
Vetë banorët në Wuhan besojnë se shifrat janë të paktën 40 herë më të larta.
© SYRI.net
