Pesë persona, kanë rënë në pranga nga Policia e Tiranës për vepra penale ‘Dhunë në familje’, “Përvetësimi i parave ose mallrave që rrjedhin nga vepra penale ose veprimtaria kriminale”, si edhe drejtim mjeti në gjendje të dehur.
Uniformat blu bëjnë me dije se janë arrestuar 30-vjeçari M.H., pasi ka dhunuar bashkëshorten dhe një 65-vjeçar me inicialet I.M., i cili ka dhunuar fizikisht dhe psikologjikisht shtetasin E.K.
Gjithashtu në pranga ka rënë 24-vjeçari A.B., për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”, pasi ka blerë një motomjet të vjedhur.
Ndërsa një 19-vjeçar me inicialet A.B., u arrestua pasi nuk kishte leje drejtimi dhe më pas nuk i është bindur urdhrit të policisë për të ndaluar.
Specialistët e Qarkullimit Rrugor bënë arrestimin në flagrancë të shtetasit A. M., 45 vjeç, pasi u kap duke drejtuar mjetin, në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
Tiranë-Informacion
Vihen në pranga 5 shtetas, për vepra të ndryshme penale.
Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasit M. H., 30 vjeç, pasi ka ushtruar dhunë fizike dhe psikologjike ndaj bashkëshortes.
Specialistët për Hetimin e Krimeve në Komisariatin e Policisë Nr. 3 bënë ndalimin e shtetasit A. B., 24 vjeç, për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”, pasi ka blerë një motomjet të vjedhur.
Specialistët për Hetimin e Krimeve në Komisariatin e Policisë Nr. 6 bënë arrestimin në flagrancë të shtetasit I. M., 65 vjeç, pasi ka ushtruar dhunë fizike dhe psikologjike ndaj shtetasit E. K.
Specialistët për Hetimin e Krimeve në Komisariatin e Policisë Kavajë bënë arrestimin në flagrancë të shtetasit A. B., 19 vjeç, pasi duke drejtuar mjetin, pa leje drejtimi, nuk i është bindur urdhrit të punonjësit të Policisë, për të ndaluar.
Specialistët e Qarkullimit Rrugor bënë arrestimin në flagrancë të shtetasit A. M., 45 vjeç, pasi u kap duke drejtuar mjetin, në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
