Sot në orët e para të mëngjesit është përfshirë nga zjarri objekti i Gjykatës Themelore – dega në Kaçanik, ku si pasojë janë dëmtuar dy zyra.
Rastin për Klankosova.tv e ka konfirmuar zëdhënësi i Policisë së Kosovës për rajonin e Ferizajt, Kanun Veseli, i cili theksoi se nga hetimet e para dyshohet se ka të bëjë me zjarrëvënie nga 3 persona të panjohur.
“Ju njoftojmë se me datën 13.03.2024 rreth orës 03:55 kemi pranuar një informatë se në Objektin e Gjykatës Themelore- dega në Kaçanik ishte një zjarrëvënie. Menjëherë në vendin e ngjarjes kanë dalë ekipe tê Zjarrëfikësve të cilët rreth orës 04:40 kanë lokalizuar dhe shuar zjarrin”, u shpreh Veseli.
Nga hetimet e para dyshohet se kemi të bëjmë me zjarrëvënie nga 3 persona të panjohur, e që hetuesit policor janë duke grumbulluar informacione në terren në zbardhjen sa më shpejtë të këtij rasti. Për informata tjera ju nioftojmë më pas”.
