Ndërsa vetëm disa minuta nga fillimi zyrtar i protestës për vrasjen e Klodian Rashës në Tiranë, policia ka nisur të bëjë kontrollet. Në pamjet e siguruara nga ABC news në Shqipëri, shihen agjentët e terrenit që kontrollojnë të rinjtë apo pjesëmarrës të tjerë në protestë, nëse kanë sende të “palejuara”.
Kjo është dita e tretë e protestës së nisur pas vrasjes së të riut në Tiranë nga efektivi i policisë. Pas dorëheqjes së ministrit të Brendshëm Sandër Lleshaj, protestuesit tashmë kërkojnë edhe largimin e Drejtorit të Përgjithshëm të Policisë së Shtetit, Ardi Veliu.
