Ditën e sotme kryeqyteti do ketë një qarkullim të kufizuar të automjeteve, nga ora 06:00 deri në 17:00, për shkak të aktivitetëve që do zhvillohen për promovimin e “Tirana pa makina”.
Ky aktivitet promovues do mbahet ditën e sotme, me 5 maj si dhe në 1 qershor, po në të njëjtën interval kohor të përmendur më sipër.
Segmentet që do të bllokohet kalimi i automjeteve janë:
– Bulevardi “Dëshmorët e Kombit”, duke filluar nga Ministria e Brendshme deri në fillim të “Ish- Hotel Dajti.
– Bulevardi ‘Dëshmorët e Kombit”, duke filluar nga Ura e “Ish Hotel Dajtit” deri në kryqëzimin me rrugën “Ismail Qemali”.
Ndërkohë qarkullimi i automjeteve do të vazhdojnë në rrugën “Ibrahim Rugova”, Bulevardin “Zhan Dark”, bulevardin Bajram Curri” dhe në rrugën ‘George.W.Bush”.
Qarkullimi i mjeteve të emergjencës dhe Policisë së Shtetit të vazhdojë normalisht në të gjitha segmentet rrugore të mësipërme.
Linja Nr. 13 “Tirana e Re” dhe Linja Nr. 2 “TEG – Sauk i Vjetër – Kopshti Zoologjik – Ish Stacioni Trenit” të devijojnë në rrugën “Ibrahim Rugova”.
