Referuar akuzave për kultivimin dhe trafikimin e lëndëve narkotike si dhe mosarrestimin e Klemend Balilit, ka reaguar edhe Drejtori i Hetimit për Narkotrafikun në Policinë e Shtetit, Idajet Fasakaj.
Duke folur në emisionin “Studio e Hapur”, tha se ende sot policia nuk mund të thotë nëse Balili ndodhet brenda apo jashtë Shqipërisë. Megjithatë ai shtoi se çdo informacion që merr policia për vendodhjen e të shumëkërkuarit e verifikon me seriozitet.
Faskaj ka komentuar edhe akuzat e ish-Ministrit të Drejtësisë Ylli Manjani për lidhje të policisë me “Eskobarin e Ballkanit” si dhe për videot e ministrave në “Santa Quarantta”. Sipas Faskajt, nuk ka informacione për të tilla akuza.
Ai shtoi se në resortin e Balilit nuk është gjetur asnjë kasetë me pamje filmike, çka do të thotë se ato janë hequr përpara se uniformat blu të mbërrinin.
