Një drejtor i televizionit ‘Russia Today’ shkaktoi shumë zemërim me komentet e tij, ku bëri thirrje për gjenocid ndaj fëmijëve ukrainas.
Anton Krasovsky, 47 vjeç, është pezulluar nga televizioni i financuar nga Kremlini. Por komentatorët thonë se ky vendim erdhi shumë vonë, pasi retorika e tij ishte bërë shumë e dhunshme.
Komentet e Drejtorit të Transmetimeve në këtë media cilësohen ekstreme edhe nga mbështetësit e luftës së Putinit.
“Duhet të ishin mbytur në lumë, aty ku notojnë rosat. Thjesht mbytini ata fëmijë, mbytini në lumin Tysyna. Hidhini aty ku janë rrymat e forta nëntokësore,” tha ai.
Sipas tij, të gjithë ukrainasit duhen vrarë dhe duhen djegur të gjallë në shtëpitë e tyre. Krasovsky tha se Ukraina nuk duhet të ekzistojë si shtet.
Nga Ukraina ka pasur thirrje që të ndalohet fare transmetimi i Russia Today në botë.
© SYRI.net
