Dy aksidente kanë ndodhur sot në Lushnje, ku ka mbetur një person i plagosur, i cili është transportuar në spitalin e Lushnjës.
Një prej aksidenteve me përplasje në seri ka ndodhur në kahun e lëvizjes drejt Fierit, ku një mjet tip “Caddy” ka përplasur nga mbrapa një “Benz”, i cili ka përplasur një tjetër mjet tip “Benz”.Përplasja e fortë ka shkaktuar një të lënduar, i cili është nën kujdesin e mjekëve dhe dëme materiale.
Aksidenti tjetër ka ndodhur në mes të kryqëzimit tek pushimi i shoferit, ku një mjet tip “Skoda” ka përfunduar tek barriera e hekurt, por pa pasoja për jetën e drejtuesit.
Policia shkencore po dokumenton të dy aksidentet dhe polica e qarkullimit po stabilizon trafikun e rënduar.
Kryqëzimi i pushimit të shoferit në autostradën Lushnje Fier mbetet një njollë e zezë në qarkullimin rrugor derisa të jepet zgjidhje përfundimtare sipas projektit fillestar të autostradës i cili parashikonte mbikalime për automjetet që vijnë nga Krutja drejt Divjakës dhe anasjelltas.
