Përmes raportit 24 orësh policia ka njoftuar për dy aksidente të ndara nga të cilat kanë humbur jetën dy persona. Nga aksidenti në Podujevë ka vdekur një person i gjinisë mashkullore ndërsa në Fushë-Kosovë ka ndërruar jetë një këmbësore e cila ishte duke u trajtuar në QKUK.
“Fsh. Doberdol, Podujevë 17.08.2017-11:53. Ka ndodhur aksident trafiku në mes dy veturave civile dhe një këmbësori mashkull K/shqiptar. Si pasojë e aksidentit, këmbësori ka ndërruar jetë, ndërsa dy vozitësit meshkuj K/shqiptar janë arrestuar, dhe me urdhër të prokurorit janë dërguar në mbajtje. Trupi i pajetë viktimës është dërguar në IML për obduksion”- njofton policia.
Raport shtesë:
“AKSIDENT TRAFIKU ME FATALITET Fsh. Sllatinë, Fushë Kosovë (NN) 15.08.2017 – 20:50. Lidhur me rastin me 17.08.2017 nga QKUK është raportuar se viktima femër K/Shqiptare e cila ishte duke u trajtuar ka ndërruar jetë. Me urdhër të prokurorit, trupi i pa jetë i viktimës është dërguar në IML për obduksion”- thuhet tutje në raport./Express
